{poster}

Жылы жүректерден – балаларға: неврология бөліміндегі мейірім мерекесі

Халықаралық балаларды қорғау күніне орай, мерекені аурухана палатасында қарсы алып жатқан балалар да елеусіз қалған жоқ. Жастар ресурстық орталығының өкілдері Көпсалалы қалалық балалар ауруханасының неврология бөлімінде ем алып жатқан балаларға арнайы келіп, сыйлықтар мен жылы тілектерін жеткізді.

Түрлі-түсті ойыншықтар, кітаптар мен тәттілер кішкентай науқастардың жүзінде шынайы күлкі мен қуаныш сыйлады.

"Әр бала өзін жалғыз сезінбесе екен дейміз. Ол ауруханада болса да, оны жақсы көретін, қамқор болатын жандар бар екенін білсе дейміз", – деді орталық өкілдері.

Аурухана ұжымы көрсеткен қамқорлық пен жанашырлық үшін қонақтарға алғыс білдірді.

Мұндай шаралар – жай ғана сыйлық емес. Бұл – жүректегі үміт отын маздататын, мейірімділік пен сенім сыйлайтын сәттер.